Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 28-րդ կետով և հիմք ընդունելով ՀՀ Վայոց ձորի մարզպետի 07.03.2024 թվականի թիվ 01/08.2/1648-2024 և թիվ 01/08.2/1649-2024 գրությունները.

1.Քննարկել Հայաստանի Հանրապետության տարածքային կառավարման և ենթակառուցվածքների նախարարի 2022 թվականի փետրվարի 18-ի «Հայաստանի Հանրապետության Վայոց ձորի մարզի Վայքի համայնքապետարանի աշխատակազմի համայնքային ծառայության պաշտոնների անվանացանկը հաստատելու մասին» N 312-Ա հրամանով հաստատված անվանացանկում և տեխնիկական սպասարկում ու քաղաքացիական աշխատանք իրականացնող անձնակազմի պաշտոնների անվանացանկում լրացում կատարելու մասին հարցը.

2. 2024 թվականի հունվարի 19-ի ավագանու թիվ 6-Ա որոշմամբ հաստատված 2-րդ հավելվածի «Համայնքային ծառայության պաշտոններ» բաժնի 2-րդ տողով սահմանված գլխավոր մասնագետի հաստիքը թողնել անփոփոխ:
3. 2024 թվականի հունվարի 19-ի ավագանու թիվ 6-Ա որոշմամբ հաստատված 2-րդ հավելվածի «Քաղաքացիական աշխատանք» բաժնի 2-րդ տողով սահմանված «տեղական տուրքեր հավաքագրող» հաստիքը վերանվանել «համակարգող (գյուղական բնակավայրերում հանրային լսումների գործընթացի իրականացման պատասխանատու)»:
4. 2024 թվականի հունվարի 19-ի ավագանու թիվ 6-Ա որոշմամբ հաստատված 2-րդ հավելվածի «Տեխնիկական սպասարկում իրականացնող անձնակազմ» բաժնի 6-րդ տողով սահմանված «էլեկտրիկի օգնական» հաստիքը հանել:
5. Սույն որոշումն ուժի մեջ է մտնում 2024 թվականի հունվարի 1-ից, բացառությամբ համայնքապետարանի աշխատակազմում ստեղծվելիք համայնքային ծառայության նոր պաշտոնի մասով, ինչն ուժի մեջ կմտնի  ՀՀ տարածքային կառավարման և ենթակառուցվածքների նախարարի կողմից Վայքի համայնքապետարանի աշխատակազմի համայնքային ծառայության պաշտոնների անվանացանկում սույն որոշմամբ պայմանավորված լրացումը կատարելու մասին իրավական ակտն ուժի մեջ մտնելու պահից։