Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 29-րդ  կետով, Հայաստանի Հանրապետության Հողային օրենսգրքի 3-րդ հոդվածի 1-ին մասի 1-ին կետով, 7-րդ հոդվածի 5-րդ մասի 1-ին կետով, «Քաղաքաշինության մասին»  օրենքի 14.3-րդ հոդվածի 9-րդ մասով , Կառավարության 2021 թվականի հունիսի 17-ի «Գյուղատնտեսական նշանակության հողերը ոչ գյուղատնտեսական նշանակության հողերի փոխադրման դեպքերը սահմանելու մասին» N 987-Ն որոշման 9-րդ կետով,

1. Տալ համաձայնություն՝ 

1.1 Վայք համայնքի, Արտավան բնակավայրում գտնվող, քաղաքացի Յուրիկ Նորիկի Ջամալյանին սեփականության իրավունքով պատկանող, 10-011-0003-0033 և 10-011-0003-0034 կադաստրային ծածկագրով,  0.059 հա և 0.23 հա մակերեսներով, բնակավայրերի նպատակային նշանակության (գործառնական նշանակությունները՝ հասարակական կառուցապատման) հողամասերի  նպատակային նշանակությունը փոխել որպես արդյունաբերության, ընդերքօգտագործման և այլ արտադրական նպատակային նշանակության, գործառնական նշանակությունը՝ գյուղ. արտադրական հողեր, անասնագոմ կառուցելու նպատակով:

1.2 Վայք համայնքի, Զեդեա բնակավայրում գտնվող, քաղաքացի Դավիթ Աշոտի Զաքարյանին սեփականության իրավունքով պատկանող 10-023-0306-0187 կադաստրային ծածկագրով, 6.90481 հա մակերեսով, գյուղատնտեսական նպատակային նշանակության (հողատեսքը՝ այլ) հողամասի  նպատակային նշանակությունը փոխել որպես էներգետիկայի, տրանսպորտի, կապի, կոմունալ ենթակառուցվածքների օբյեկտների նպատակային նշանակության, գործառնական նշանակությունը՝ էներգետիկայի հողեր, արևային ֆոտովոլտային կայան կառուցելու նպատակով:

1.3 Վայք համայնքի, Սարավան բնակավայրում գտնվող,համայնքային սեփականություն հանդիսացող, 10-039-0307-0088 կադաստրային ծածկագրով, 5.46641 հա մակերեսով, գյուղատնտեսական նպատակային նշանակության (հողատեսքը՝ արոտավայր) հողամասի  նպատակային նշանակությունը փոխել որպես էներգետիկայի, տրանսպորտի, կապի, կոմունալ ենթակառուցվածքների օբյեկտների նպատակային նշանակության, գործառնական նշանակությունը՝ էներգետիկայի հողեր, արևային ֆոտովոլտային կայան կառուցելու նպատակով:

 2.Վայք համայնքի ղեկավարին՝ ձեռնարկել սույն որոշումից բխող անհրաժեշտ գործառույթների իրականացումը:

3. Սույն որոշումն ուժի մեջ է մտնում հրապարակմանը հաջորդող օրվանից: