Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ և 42-րդ կետերի պահանջներով և հիմք ընդունելով Ազատեկ և Բարձրունի բնակավայրերի վարչական ղեկավարների առաջարկությունը․ 1.Տալ համաձայնություն.
1.1 Վայք համայնքի Ազատեկ բնակավայրում գտնվող, չօգտագործվող խմելու ջրագծի 75մմ տրամագծով, 120մ երկարությամբ խողովակաշարը ապամոնտաժելու համար: Ապամոնտաժված խողովակները օգտագործել նույն բնակավայրում գործող ոռոգման ցանցի բարեկարգման աշխատանքների համար:
1.2 Վայք համայնքի Բարձրունի բնակավայրում գտնվող, չօգտագործվող խմելու ջրագծի 40 մմ տրամագծով, 600մ երկարությամբ, 50մմ տրամագծով, 300մ երկարությամբ և 75մմ տրամագծով, 200մ երկարությամբ խողովակաշարերն ապամոնտաժելու համար: Ապամոնտաժված խողովակներն օգտագործել նույն բնակավայրի բնակիչների կարիքների համար:
2.Սույն որոշման աշխատանքների կատարման կազմակերպումն ու պատասխանատվությունը դնել համապատասխան բնակավայրի վարչական ղեկավարի վրա:
3.Սույն որոշման աշխատանքների կատարումն իրականացվում է Վայք համայնքի «Գյուղատնտեսություն» ՀՈԱԿ-ի կողմից:
4.Սույն որոշումն ուժի մեջ է մտնում հրապարակմանը հաջորդող օրվանից:
|