Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, Հայաստանի Հանրապետության Հողային օրենսգրքի 56-րդ հոդվածի 5-րդ մասով, 75-րդ հըոդվածի 1-ին մասի 4-րդ կետով և հիմք ընդունելով ՀՀ կառավարության 12.04.2001թ. թիվ 286 որոշման 44-րդ կետի ը/ ենթակետը՝ և հիմք ընդունելով «Հայաստանի էլեկտրական ցանցեր» ՓԲԸ-ից 10.05.2023թ-ին ստացված թիվ Պ.Գ.2522 դիմումը.

1.Տալ համաձայնություն Վայք համայնքի սեփականություն հանդիսացող, Վայք քաղաքի Վ. Սարգսյան 2/2 հասցեում գտնվող 60 քմ  մակերեսով հողատարածքը առանց մրցույթի, վարձակալության իրավունքով, 99 (իննսունինը) տարի ժամկետով օգտագործման հատկացնել «Հայաստանի էլեկտրական ցանցեր» ՓԲ ընկերությանը՝ բնակչությանը սպասարկման նպատակով էլեկտրական ենթակայանի տեղադրման համար՝ վարձի չափը սահմանելով տարեկան 10 000 (տասը հազար) ՀՀ դրամ:
2. Վայք համայնքի ղեկավարին՝ ձեռնարկել սույն որոշումից բխող անհրաժեշտ գործառույթների իրականացումը:
3.Սույն որոշումն ուժի մեջ է մտնում ընդունմանը հաջորդող օրվանից: