Ղեկավարվելով  «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 25-րդ, 30-րդ, 31-րդ կետերի և 32-րդ կետի «ա» ենթակետերով և Վայք համայնքի բնակիչ Ռիտա Հենրիկի Վաղարշակյանի դիմումը (մուտք՝ 2025 թվականի մարտի 18-ի N Վ-1).

1. Վայք համայնքի Զառիթափ բնակավայրի 24-րդ փողոց , 16 հասցեում գտնվող քաղաքացիներ Ռիտա Հենրիկի Վաղարշակյանի և Անուշ Հենրիկի Խաչատրյանի սեփականությունը  հանդիսացող հողամասի վրա իրենց իսկ կողմից կառուցված 493.41 քմ ընդհանուր մակերեսով շինությունները, որոնց զբաղեցրած և սպասարկման համար առանձնացված հողամասի մակերեսը կազմում է 0,45 հա, համարել օրինական, (հաշվառման տվյալների մուտքագրման ծածկագիր՝ 2023UGJYCH):
2. Ընդունել ի գիտություն, որ կառույցները պահպանելը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում այլ քաղաքացիների կյանքին ու առողջությանը: Ինքնակամ կառույցները քանդման ենթակա չեն, կառուցված չեն Հայաստանի Հանրապետության հողային օրենսգրքի 60-րդ հոդվածով սահմանված հողամասերի վրա, ինչպես նաև ինժեներատրանսպորտային օբյեկտների օտարման կամ անվտանգության գոտում, կառուցված չեն քաղաքաշինական նորմերի և կանոնների էական խախտումներով և չեն առաջացնում հարկադիր սերվիտուտ պահանջելու իրավունք:
3. Դիմել ՀՀ կադաստրի կոմիտեին` սեփականության իրավունքի գրանցման  վկայական ստանալու նպատակով:
4. Սույն որոշման 1-ին կետում նշված օրինականացված 493.41 քմ մակերեսով կառույցները,  սահմանված չափով և կարգով  առաջարկ կատարել կառույցներն իրականացրած անձանց՝ Ռիտա Հենրիկի Վաղարշակյանին և Անուշ Հենրիկի Խաչատրյանին շինությունների համար վճարել 622 690/ 493.41 x 1262/ (վեց հարյուր քսաներկու հազար վեց հարյուր իննսուն) ՀՀ դրամ:
5. Սույն որոշումն ուժի մեջ է մտնում ստորագրման պահից: