Զեկ. ԱՆՈՒՇ ՂԱԶԱՐՅԱՆ

Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասի 3-րդ կետերով և հիմք ընդունելով «Տեղական ինքնակառավարման մասին» Հայաստանի Հանրապետության օրենքի   24-րդ հոդված 1-ին մասը, 24-րդ հոդված 1-ին մասի 7-րդ կետը,

1.Վայք համայնքի ավագանու 2024 թվականի մայիսի 15-ին ընդունված թիվ 53-Ա որոշումը շարադրել նոր խմբագրությամբ՝

«1.Հայաստանի Հանրապետության Վայոց ձորի մարզի Վայք համայնքի ավագնու անդամներն իրենց պարտականությունների իրականացման հետևանքով կատարած ծախսերի դիմաց տրամադրել ամսական դրամական փոխհատուցում, որը չի կարող գերազանցել ՀՀ ԱԺ պատգամավորական ծախսերի 30 տոկոսը :

 2.Սահմանել, որ սույն որոշման 1-ին կետով նախատեսված դրամական փոխհատուցումը Վայք համայնքի ավագանու անդամներին տրամադրվում  է.

 1) Ավագանու անդամների կողմից իրենց պարտականությունների կատարման հետևանքով առաջացած ծախսերը հիմնավորող փաստաթղթերի առկայությամբ.

2) Անկանխիկ, յուրաքանչյուր կիսամյակի համար մինչև հաջորդող ամսվա 10-ը.

3)Ավագանու անդամի դիմումի առկայությամբ:

 3.    Ավագանու անդամին տվյալ կիսամյակում (նստաշրջանում) դրամական փոխհատուցում չի վճարվում, եթե նա այդ ամսվա ընթացքում բացակայել է ավագանու և մշտական հանձնաժողովի բոլոր նիստերից, բացառությամբ այն դեպքերի, երբ տվյալ ամսում ավագանու և մշտական հանձնաժողովի նիստեր չեն եղել:

 4.    Սույն որոշման 3-րդ կետում նշված բացակայությունները հիմնավորվում են ավագանու մշտական հանձնաժողովների նախագահների՝ հանձնաժողովի նիստերին ավագանու անդամների մասնակցության մասին տեղեկանքներով և համայնքապետարանի աշխատակազմի կողմից վարվող ավագանու նիստին մասնակցած ավագանու անդամների հաշվառման մասին տվյալներով, որոնք կազմվում են յուրաքանչյուր ամսվա համար՝ մինչև հաջորդ ամսվա 5-ը ներառյալ:

5.Սույն որոշումն ուժի մեջ է մտնում հրապարակմանը հաջորդող օրվանից: