Զեկ. Գ. ՄՈՒՇԿԱՄԲԱՐՅԱՆ

Ղեկավարվելով «Համայնքային կառավարչական հիմնարկների մասին» Հայաստանի  Հանրապետության  օրենքի  18-րդ  հոդվածի և «Տեղական ինքնակառավարման մասին» Հայաստանի Հանրապետության  օրենքի 18-րդ հոդվածի 1-ին մասի 15-րդ կետի պահանջներով՝

1. Դադարեցնել «Հայաստանի Հանրապետության Վայոց ձորի մարզի Վայքի համայնքապետարանի աշխատակազմ»  և  «Հայաստանի Հանրապետության Վայոց ձորի մարզի Զառիթափի համայնքապետարանի աշխատակազմ» համայնքային կառավարչական հիմնարկի գործունեությունը:
2. Սույն որոշման 1-ին կետում նշված հիմնարկների, ինչպես նաև «Հայաստանի Հանրապետության Վայոց ձորի մարզի Ջերմուկի համայնքապետարանի աշխատակազմ» համայնքային կառավարչական հիմնարկից առանձնացված Հերհեր և Կարմրաշեն բնակավայրերի քաղաքացիական իրավունքները և պարտականությունները փոխանցելով «Տեղական ինքնակառավարման մասին» Հայաստանի Հանրապետության օրենքի 102-րդ հոդվածի 4-րդ մասի համաձայն վերակազմակերպված Վայք համայնքին:
3. Սույն որոշման 1-ին կետում նշված համայնքային կառավարչական հիմնարկներին, ինչպես նաև Հերհեր և Կարմրաշեն բնակավայրերին ամրացված  գույքը  Հայաստանի Հանրապետության օրենսդրությամբ սահմանված կարգով ներառել և հաշվառել նոր հիմնադրված  «Հայաստանի Հանրապետության Վայոց ձորի մարզի Վայքի համայնքապետարանի աշխատակազմ» համայնքային կառավարչական հիմնարկի հաշվեկշռում:
4. Սույն որոշումն ուժի մեջ է մտնում 2022 թվականի փետրվարի 20-ից: