Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 1-ին մասի 25-րդ և 42-րդ կետերով

1.Հաստատել Վայք համայնքի կողմից Սոցիալական Ներդրումների և Տեղական Զարգացման ծրագրի Բաղադրիչ 2-ին մասնակցության նպատակով ձևավորված նախաձեռնող խմբի կազմը՝ համաձայն սույն որոշման հավելվածի:
2.Սոցիալական Ներդրումների և Տեղական Զարգացման ծրագրին մասնակցելու համար դիմել Հայաստանի Տարածքային Զարգացման Հիմնադրամին  /ՀՏԶՀ/՝ համայնքի հետևյալ առաջնահերթ խնդիրներով: Համայնքի կարիքների համար աղբատար մեքենայի և աղբամանների ձեռք բերում, հացահատիկահավաք կոմբայնի ձեռք բերում: 
3.Առաջարկի հաստատման դեպքում կատարել 5% ներդրում ՍՆՏԶ ծրագրի պահանջներին համապատասխան:
4.Ծրագրի իրականացման դեպքում ձեռք բերված տեխնիկայի և աղբամանների շահագործման և պահպանման անհրաժեշտ ծախսերը ներառել համայնքի բյուջեում:
5.Հանձնարարել համայնքապետարանի համապատասխան աշխատակիցներին պատրաստել և ՀՏԶՀ-ին ներկայացնել համապատասխան առաջարկ ծրագրին մասնակցելու վերաբերյալ:
6.Ձեռք բերված տեխնիկան և գույքը չսեփականաշնորհել կամ չօգտագործել այլ նպատակներով ծրագրի ավարտից հետո 15 տարվա ընթացքում:
7.Սույն որոշումն ուժի մեջ է մտնում հրապարակման հաջորդող օրվանից: