Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 16-րդ կետով, «Հրապարակային սակարկությունների մասին» Հայաստանի Հանրապետության օրենքի, Վայք համայնքի ավագանու 2022 թվականի հոկտեմբերի 17-ի N 81-Ա որոշման, հիմք ընդունելով  հողամասը վարձակության իրավունքով տրամադրելու մասին Վայք համայնքի վարչական տարածքում գտնվող հողամասերը վարձակալության և (կամ) կառուցապատման իրավունքով տրամադրելու նպատակով մրցույթների կազմակերպման մրցութային հանձնաժողովի 2024 թվականի դեկտեմբերի 9-ի N 3 արձանագրությունը՝

1. Հաստատել 2024 թվականի դեկտեմբերի 9-ին կայացած համայնքային սեփականություն համարվող, Վայք համայնքի Արտավան բնակավայրում գտնվող, գյուղատնտեսական նպատակային նշանակության 0.58849 հա մակերեսով արոտավայր (ծածկագիր՝ 10-011-0116-0064), 19.82555 հա մակերեսով արոտավայր (ծածկագիր՝ 10-011-0116-0066) , 1.03848 հա մակերեսով վարելահող, արոտավայր (ծածկագիր՝ 10-011-0116-0063), 2.57739 հա մակերեսով վարելահող (ծածկագիր՝ 10-011-0102-0026), 1.09065 հա մակերեսով արոտավայր ,վարելահող (ծածկագիր՝ 10-011-0116-0065) հողամասերի վարձակալության իրավունքի տրամադրման մրցույթի հետևյալ արդյունքները՝ 

· Մրցույթում հաղթող ճանաչել մրցույթի միակ մասնակից Սմբատ Հրայրի Հովհաննիսյանին։

· Վարձակալության իրավունքի ժամկետը՝ 25 տարի, մինչև 09․12․2049թ-ը։

· Վարձակալության իրավունքի տրամադրման տարեկան վարձավճարի չափը՝ 163 000 (մեկ հարյուր վաթսուներեք հազար) ՀՀ դրամ է /վճարման հաշվեհամար՝ 900345101050/։

· Վարձակալության իրավունքի տրամադրման նպատակը՝ գյուղատնտեսական գործունեություն իրականացնելու համար:

․ Վարձակալին չի թույլատրվում առանց վարձատուի լրացուցիչ համաձայնության հողամասը տրամադրել ենթավարձակալության։

2. Սահմանել, որ սույն որոշման 1-ին կետում նշված հողամասի  տարածքի մաքրման և բարեկարգման պարտավորությունը կրում է վարձակալը:

3.Սմբատ Հրայրի Հովհաննիսյանի հետ օրենքով սահմանված կարգով կնքել սույն որոշման առաջին կետում նշված հողամասի վարձակալության իրավունքի տրամադրման պայմանագիր:

4. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Սմբատ Հրայրի Հովհաննիսյանի կողմից:

5. Սույն որոշումն ուժի մեջ է մտնում հրապարակման օրվան հաջորդող օրվանից: