Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 15-րդ կետով, Հայաստանի Հանրապետության Քաղաքացիական օրենսգրքի  63-րդ հոդվածի 1-ին և 64-րդ հոդվածի 2-րդ մասերով, «Պետական ոչ առևտրային կազմակերպությունների մասին» Հայաստանի Հանրապետության օրենքի 9-րդ հոդվածի 5-րդ մասի 2-րդ պարբերությամբ, 24-րդ հոդվածի 1-ին մասով

1. <<Վայքի քաղաքային գրադարան>> համայնքային ոչ առևտրային կազմակերպությունը միացման ձևով վերակազմակերպել՝ միացնելով <<Վայքի քաղաքային համայնքի մշակույթի տուն>> համայնքային ոչ առևտրային կազմակերպությանը:
2. Հաստատել <<Վայքի քաղաքային համայնքի մշակույթի տուն>> համայնքային ոչ առևտրային կազմակերպության նոր խմբագրությամբ կանոնադրությունը՝ համաձայն թիվ 1 հավելվածի:
3. Հաստատել  <<Վայքի քաղաքային համայնքի մշակույթի տուն>> համայնքային ոչ առևտրային կազմակերպության  աշխատակիցների թվաքանակը, հաստիքացուցակը և պաշտոնային դրույքաչափերը, համաձայն հավելված 2-ի:
4. Հաստատել Համայնքի ղեկավարի 22.10.2018թ. թիվ 143 որոշումը:
5. Հաստատել <<Վայքի քաղաքային գրադարան>> համայնքային ոչ առևտրային կազմակերպության և <<Վայքի քաղաքային համայնքի մշակույթի տուն>> համայնքային ոչ առևտրային կազմակերպության  միջև կնքված միացման պայմանագիրը
6. Հաստատել <<Վայքի քաղաքային գրադարան>> համայնքային ոչ առևտրային կազմակերպության գույքի, այլ գույքային իրավունքների, ինչպես նաև պարտատերերին և պարտապաններին վերաբերող բոլոր/ներառյալ վիճարկվող/ պարտավորությունների <<Վայքի քաղաքային համայնքի մշակույթի տուն>> համայնքային ոչ առևտրային կազմակերպությանը փոխանցման ակտը՝ համաձայն հավելված 3-ի:
7. համայնքի ղեկավարին` իրականացնել սույն որոշումից բխող գործառույթներն  օրենսդրությամբ սահմանված կարգով:
8. Սույն որոշման 1-ին և 3-րդ կետերն ուժի մեջ են մտնում նշված վերակազմակերպումը  սահմանված կարգով իրավաբանական անձանց պետական ռեգիստրի միասնական գրանցամատյանում գրանցման պահից:

9. Սույն որոշման 3-րդ կետի ուժի մեջ մտնելու պահից ուժը կորցրած ճանաչել Վայք համայնքի ավագանու 2018 թվականի հունվարի 30-ի «ՀՀ Վայոց Ձորի մարզի Վայքի  համայնքապետարանի  աշխատակազմի և համայնքային ոչ առևտրային կազմակերպությունների աշխատակիցների 2018 թվականի թվաքանակը, հաստիքացուցակները և պաշտոնային դրույքաչափերը հաստատելու  մասին» թիվ 6  որոշման 1-ին կետի N 4 և N 8 հավելվածները