| Բովանդակություն * | Ա Ր Ձ Ա Ն Ա Գ Ր ՈՒ Թ Յ ՈՒ Ն
ՎԱՅՔԻ ՔԱՂԱՔԱՅԻՆ ՀԱՄԱՅՆՔԻ ՂԵԿԱՎԱՐԻ ԿՈՂՄԻՑ 2010 ԹՎԱԿԱՆԻՆ ԿԱՏԱՐԱԾ ԱՇԽԱՏԱՆՔՆԵՐԻ ԵՎ 2011 ԹՎԱԿԱՆԻ ԽՆԴԻՐՆԵՐԻ ՎԵՐԱԲԵՐՅԱԼ
Ք.Վայք 08 փետրվարի 2011թ.
Սույն թվականի փետրվարի 8-ին ժամը 11:00-ին Վայքի քաղաքապետարանի նիստերի դահլիճում տեղի ունեցավ հանրային քննարկում:
Օրակարգում.
- Համայնքի ղեկավարի 2010թվականի կատարած աշխատանքների հաշվետվություն:
/զեկ. Հ.Սարգսյան/
- 2011 թվականի կատարվելիք ծրագրերի ներկայացում:
/զեկ. Հ.Սարգսյան/
- Համայնքի 2010 թվականի բյուջեի կատարման ընթացքի մասին:
/զեկ. Ն.Հովհանննիսյան/
- Համայնքի 2011թվականի բյուջեի ներկայացում:
/զեկ. Ն.Հովհաննիսյան/
Նիստը նախագահում է համայնքի ղեկավար Հ.Սարգսյանը, արձանագրում է աշխատակազմի քարտուղար Գ. Մուշկամբարյանը:Նիստին մասնակցում են փոխքաղաքապետեր Բ.Բաբայանը և Վ. Ասլանյանը, համայնքի ղեկավարի աշխատակազմը, համայնքի ավագանու անդամները, համայնքային կազմակերպությունների ներկայացուցիչներ, երիտասարդական կազմակերպությունների անդամներ, համայնքի բնակիչներ:
1. Համայնքի ղեկավար Հ.Սարգսյանը ներկայացրեց 2010 թվականի ընթացքում կատարված աշխատանքները. /ներկայացվում է ստորև/.
- Արշ. Մելիքյան փողոցի կոյուղու ներքին ցանցի կառուցում/կատարող Հ.Սարգսյան/:
- Համայնքի արտաքին լուսավորության մասնակի վերանորոգում` << Սուրբ Տրդատ>> եկեղեցու, <<Վայք>> խորհրդանշող նշանի և նշվածների միջակայքում ընկած հատվածի/կատարող Զոհրաբյան եղբայրներ/ , ինչպես նաև Երիտասարդական պուրակի, Ալավերդյան փողոցի մի հատվածի/ կատարող քաղաքապետարան/:
- Քաղաքացիների սպասարկման գրասենյակի և դահլիճի վերանորոգում, կահավորում, գույքով ապահովում/կատարող քաղաքապետարան և ՀՀ տարածքային կառավարման նախարարություն/:
- Քաղաքապետարանի վարչական շենքի տանիքի վերանորոգում, ջրհորդանների փոխում և հարակից տարածքի վերանորոգում/ կատարող քաղաքապետարան/:
- Քաղաքապետարանի վարչական շենքի բակային հատվածի ասֆալտապատում / կատարող ՀՀ Ազգային ժողովի պատգամավոր Ս.Սարգսյան/:
- <<Վայքի քաղաքային համայնքի թիվ 3 մանկապարտեզ>> ՀՈԱԿ-ի թիթեղյա ծածկի վերանորոգում / կատարող քաղաքապետարան/, թվով 41 պատուհանների փոխում/կատարող Զոհրաբյան եղբայրներ/:
- <<Վայքի քաղաքային համայնքի թիվ 1 մանկապարտեզ>> ՀՈԱԿ-ի հիմնանորոգում, ջեռուցում, նոր գույքի ձեռքբերում / կատարող <<Կամրջակ>> ՍԲՀԿ/:
- <<Վայքի քաղաքային համայնքի մշակույթի տուն>> ՀՈԱԿ-ի տանիքի մասնակի վերանորոգում, ջրհորդանների փոխում/կատարող քաղաքապետարան/:
- Շահումյան 100 և 102 բազմաբնակարան բնակելի շենքերի բակային հատվածների թվով 3 աստիճանավանդակների կառուցում/կատարող քաղաքապետարան/:
- Արշ. Մելիքյան և Մոզ թաղամասերի, ինչպես նաև Ջերմուկի խճ. վերջնամասի /նախկին հացի գործարանի դիմաց/ գազաֆիկացում /կատարող IFAD, Հ.Սարգսյան/:
- Ալավերդյան փողոցի երկու հատվածում փլուզված մայթերի հենապատերի վերանորոգում /կատարող քաղաքապետարան/;
- Ջերմուկի խճ. 23 բազմաբնակարան բնակելի շենքի խմելու ջրագծի փոխում/կատարող <<Հայջրմուղկոյուղի>> ՓԲԸ :
- Երկրաբանների փողոցի խմելու ջրի և կոյուղու ցանցի վերակառուցում /կատարող <<Հայջրմուղկոյուղի>> ՓԲԸ:
- Ազատության փողոցի խմելու ջրի ցանցի վերակառուցում /կատարող <<Հայջրմուղկոյուղի>> ՓԲԸ/:
- Համայնքի տարածքում` Ալավերդյան փող., Ջերմուկի խճ. 51 բնակ. շենքի և Շահումյան 99 բնակ. շենքերի հարակից տարածքների ասֆալտի փոսային վերանորոգման աշխատանքներ /կատարող քաղաքապետարան/:
- Մինչև << Սուրբ Տրդատ>> եկեղեցի խմելու ջրի ջրագծի փոխում / կատարող <<Հայջրմուղկոյուղի>> ՓԲԸ/:
- Թվով 184 անապահով ընտանիքների օգնության տրամադրում /կատարող <<Կամրջակ>> ՍԲՀԿ/:
- Շահումյան 6 բնակ. շենքի հետնամասում գտնվող այգու բարեկարգում / կատարող քաղաքապետարան/:
- Քաղաքապետարանի վարչական շենքի ջեռուցում / կատարող քաղաքապետարան/:
- Թվով 100 անապահով և զոհված ազատամարտիկների ընտանիքներին ամենամյա օգնության տրամադրում /կատարող Զոհրաբյան եղբայրներ/:
2. Համայնքի ղեկավար Հ.Սարգսյանը ներկայացրեց 2011թվականին կատարվելիք հետևյալ ծրագրերը.
· Համայնքի տարածքում առկա քանդված աստիճանավանդակների վերանորոգում
· Իսրայել Օրու փողոցի փոսալցում, հարդարում և արտաքին լուսավորություն
· Համայնքի մնացած չլուսավորված փողոցների արտաքին լուսավորություն
· Համայնքի տարածքում գտնվող հեղեղատարների մաքրում և սանիտարական աղբի հեռացում
· Համայնքի տարածքում փոսային ասֆալտապատման աշխատանքներ
· Բազմաբնակարան շենքերի տանիքների և մուտքերի վերանորոգում:
3. Համայնքի ղեկավարի աշխատակազմի գլխ. մասնագետ-ֆինանսիստ Ն.Հովհաննիսյանը ներկայացրեց
համայնքի 2010թվականի բյուջեի կատարման մասին/կցվում է/:
4. Համայնքի ղեկավարի աշխատակազմի գլխ. մասնագետ-ֆինանսիստ Ն.Հովհաննիսյանը ներկայացրեց
համայնքի 2011թվականի բյուջեն:
Համայնքի ղեկավար Հ.Սարգսյանի 2010 թվականի կատարած աշխատանքները գնահատվեց բավարար և ընդունվեց ի գիտություն:Օրակարգում նշված հարցերի շուրջ առաջարկություններ չեղան:
Համայնքի ղեկավար` Հ.Վ.Սարգսյան
Աշխատակազմի քարտուղար` Գ.Մ.Մուշկամբարյան
08.փետրվար 2011թ.
|