Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասի 2-րդ և 3-րդ կետերով՝

1. Վայք համայնքի ավագանու 2021 թվականի հունվարի 29-ի «Վայքի համայնքապետարանի աշխատակազմի կառուցվածքը, աշխատակիցների 2021 թվականի թվաքանակը, հաստիքացուցակը և պաշտոնային  դրույքաչափերը հաստատելու մասին» N 8 որոշման (այսուհետ՝ որոշում) մեջ կատարել հետևյալ փոփոխությունները՝

• որոշմամբ հաստատված հավելված 1-ից հանել «Առանձնացված ստորաբաժանումներ»՝ «1. Քաղաքացիական կացության  ակտերի  գրանցման Ջերմուկի տարածքային բաժին» հատվածը, «Ընդհամենը՝  թվաքանակ  - 37» արտահայտության մեջ «37» թիվը փոխարինել «35» թվով,
• որոշմամբ հաստատված հավելված 1-ից հանել «ՔԿԱԳ Վայքի տարածքային բաժին» հաստիքացուցակ–հատվածը։
• <<Աշխատակազմ>> մասը լրացնել նոր տողով հետևյալ բովանդակությամբ՝

  Առաջատար մասնագետ– ՔԿԱԳ սպասարկման կենտրոնի մասնագետ 1, 166600 դրամ 2.Սույն որոշումն ուժի մեջ է մտնում ՀՀ Տարածքային կառավարման և ենթակառուցվածների նախարարի կողմից Վայքի համայնքապետարանի աշխատակազմի համայնքային ծառայության պաշտոնների անվանացանկում սույն որոշմամբ պայմանավորված փոփոխությունները կատարելու մասին իրավական ակտն ուժի մեջ մտնելու պահից։