Վայք համայնքի հարգելի՛ բնակիչներ

Մասնակցային կառավարման մակարդակի բարձրացման, ինչպես նաև համայնքում որոշումների կայացման վրա բնակչի ունեցած ազդեցության աճի նպատակներով Վայքի համայնքապետարանը մեկնարկում է մասնակցային բյուջետավորման գործընթաց: Այս նպատակով Վայքի համայնքի ավագանու՝ 04 հունիսի 2025 թվականի N 56-Ա որոշմամբ նախատեսել է 3 000 000 (երեք միլիոն) ՀՀ դրամ գումար։ 

Վայքի համայնքի ղեկավարի՝ 2025 թվականի հունիսի 24-ի թիվ 181-Ա  որոշմամբ ստեղծվել է բյուջետավորման գործընթացի կառավարման հանձնաժողով, հաստատվել են վերջինիս լիազորությունները, աշխատակարգը, առաջարկ-նախագծերի ներկայացման հայտի և նախնական գնահատման աղյուսակի ձևաթղթերը, ինչպես նաև մասնակցային բյուջետավորման գործընթացի իրականացման ժամանակացույցը։

Վայք համայնքի բնակիչները այսուհետ հնարավորություն կունենան ներկայացնելու համայնքին առնչվող գաղափարներ ու ծրագրեր, որոնք կդիտարկվեն, կքննարկվեն, իրենց իսկ կողմից քվեարկությամբ կընտրվեն և իրականացման հնարավորություն կստանան: 

Մասնակցային բյուջետավորման ծրագրային հայտի լրացման վերջնաժամկետ է սահմանվում ս/թ սեպտեմբերի 2-ը ներառյալ: