Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասի 2-րդ և 3-րդ կետերի դրույթներով․

1. Վայք համայնքի ավագանու 2022 թվականդեկտեմբերի 21-ի՝ «Վայք համայնքի վարչական տարածքում գտնվող հողամասերը վարձակալության և/կամ/ կառուցապատման իրավունքով տրամադրելու նպատակով մրցույթների կազմակերպման համար մրցույթային հանձնաժողով ստեղծելու, հանձնաժողովի կազմից աճուրդավար և արձանագրող նշանակելու և Վայք համայնքի ավագանու 2021 թվականի սեպտեմբերի 7-ի թիվ 41-ա որոշումն ուժը կորցրած ճանաչելու մասին» թիվ121-Ա որոշման բովանդակության 1-ին կետը շարադրել ստորև բերված նոր խմբագրությամբ, իսկ 2-րդ կետում նշված բառերը ամբողջությամբ հանել՝

«1․ Վայք համայնքի վարչական տարածքում գտնվող հողամասերը վարձակալության և (կամ) կառուցապատման իրավունքով տրամադրելու նպատակով մրցույթների կազմակերպման և անցկացման համար ստեղծել մրցութային հանձնաժողով հետևյալ կազմով․

• Հանձնաժողովի նախագահ-աճուրդավար - Սամվել Իխտիարյան (Վայքի համայնքապետարանի աշխատակազմի քաղաքաշինության, հողաշինության, կոմունալ տնտեսության և տրանսպորտի բաժնի պետ),
• Հանձնաժողովի անդամ- արձանագրող - Անուշ Ղազարյան (աշխատակազմի քարտուղար),
• Հանձնաժողովի անդամ-Ռոման Մկրտչյան (Վայքի համայնքապետարանի աշխատակազմի քաղաքաշինության, հողաշինության, կոմունալ տնտեսության և տրանսպորտի բաժնի գլխավոր մասնագետ),
• Հանձնաժողովի անդամ-Արամ Հովսեփյան (Վայքի համայնքապետարանի աշխատակազմի ֆինանսատնտեսագիտական, եկամուտների հաշվառման և հավաքագրման բաժնի պետ),
• Հանձնաժողովի անդամ-  Գարիկ Գևորգյան (Վայքի համայնքապետարանի աշխատակազմի գյուղատնտեսության և բնապահպանության բաժնի պետ),
• Հանձնաժողովի անդամ-Մեսրոպ Մեսրոպյան (Վայք համայնքի ղեկավարի օգնական),
• Հանձնաժողովի անդամ- Վարդան Կոստանյան (համայնքի ավագանու անդամ)»:

2․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից: