ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ 
ՎԱՅՈՑ ՁՈՐԻ ՄԱՐԶ
ՎԱՅՔ ՀԱՄԱՅՆՔԻ ՂԵԿԱՎԱՐ

Ո Ր Ո Շ ՈՒ Մ  N 96

ՀՀ ՎԱՅՈՑ ՁՈՐԻ ՄԱՐԶԻ ԶԱՌԻԹԱՓ ՀԱՄԱՅՆՔԻ ՆՈՐ ԱԶՆԱԲԵՐԴ ԵՎ ՄԱՐՏԻՐՈՍ ԲՆԱԿԱՎԱՅՐԵՐԻՑ ՏԱՐԱՀԱՆՎԱԾ ԵՎ ՎԱՅՔ ՀԱՄԱՅՆՔՈՒՄ ՏԵՂԱԲԱՇԽՎԱԾ ԲՆԱԿՉՈՒԹՅԱՆ ԿԵՆՍԱԱՊԱՀՈՎՄԱՆ ԳՈՐԾԸՆԹԱՑԻ ՆԱԽԱՊԱՏՐԱՍՏԱԿԱՆ ՄԻՋՈՑԱՌՈՒՄՆԵՐԻ ՊԼԱՆԸ ՀԱՍՏԱՏԵԼՈՒ ՄԱՍԻՆ 

Համաձայն «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 29-րդ կետի և 41-րդ հոդվածի, «Քաղաքացիական պաշտպանության մասին» Հայաստանի Հանրապետության օրենքի 14-րդ հոդվածի, «Արտակարգ իրավիճակներում բնակչության պաշտպանության մասին» Հայաստանի Հանրապետության օրենքի 16-րդ հոդվածի, Հայաստանի Հանրապետության կառավարության 2010 թվականի հունիսի 24-ի «Տարահանված բնակչության տեղաբաշխման տեղամասերում կենսաապահովման կարգը հաստատելու մասին» N 824-Ն որոշման 9-րդ կետի՝ արտակարգ իրավիճակներից տուժած, տարահանված և Վայք համայնքում տեղաբաշխված բնակչության կենսագործունեությունն ապահովելու նպատակով՝

Ո Ր Ո Շ ՈՒ Մ   Ե Մ`

1. Հաստատել ՀՀ Վայոց ձորի մարզի Զառիթափ համայնքի Նոր Ազնաբերդ, Մարտիրոս բնակավայրերից տարահանված և Վայք համայնքում՝ տեղաբաշխման տեղամասերում բնակչության կենսաապահովման գործընթացի նախապատրաստման միջոցառումների պլանը՝ համաձայն հավելվածի:
2. Սույն որոշման 1-ին կետում նշված պլանը համաձայնեցնել Հայաստանի Հանրապետության արտակարգ իրավիճակների նախարարության համապատասխան տարածքային ստորաբաժանման ղեկավարի հետ:
3. Սույն որոշումն ուժի մեջ է մտնում որոշման 1-ին կետում նշված պլանը ՀՀ ԱԻՆ փրկարար ծառայության Վայոց ձորի մարզային փրկարարական վարչության պետի հետ համաձայնեցնելուց հետո

ՀԱՄԱՅՆՔԻ ՂԵԿԱՎԱՐ                                  Թ. ԱՎԵՏՅԱՆ